陳柏宇紅館騷想帶囡囡踩台板 爭取提詞機解決忽略觀眾問題

陳柏宇（Jason）將於12月10及11日在紅館舉行兩場《Fight For》演唱會，他昨日（1日）接受傳媒訪問時指演唱會原定前年舉行，因疫情問題延期至今年，相隔四年再踏紅館的他表示既興奮又期待。
Jason最初計劃演唱會以家庭為主題，但後來與團隊商討變成《Fight For》，想表達一種訊息不單止家庭，還有事業，他坦言：「我係個唔叻爭取機會嘅人，唔識表達反對意見，乜都覺得有可能發生，後來發現呢個態度會失去自己動力，包括做音樂、宣傳，正如攞唔攞獎我覺得唔緊要，我唔覺得自己爭取返嚟，我只係參與其中，未來要轉變為自己爭取。」Jason現在首要爭取在演唱會上有提歌詞機，因過往曾試過演唱時忘詞，又試過只低着頭唱歌被指忽略觀眾，若有提詞機提醒，就可以解決兩個問題。

Jason試過在個唱上赤膊騷肌，他笑指今次只能騷「call機」，若演出中突然想扯爛衫就另作別論，他笑言以現時腹部的狀態應該會收埋。他又自嘲當上爸爸後負責搞爛gag：「第日個女着短裙返學，我就會着短裙跟住佢返學。」Jason希望綵排前可帶同囡囡踩台，讓小朋友一嚐舞台滋味，太太符曉薇為免阻他休息，主動提議兩母女出走Staycation，讓他有充足時間睡覺，不過Jason稱捨不得囡囡。

髮型：Alex So @ the attic
化妝：Jessica Chan
服裝： Bed J.W. Ford (SWANK),HOAX