謝芷倫找到Mr. Right答應求婚 自願增肥襯番超人老公

前港姐謝芷倫（Jan）在今年初被有傳媒影到與一位身形肥胖的中年男士行街，日前Jan在社交網上載了一對戴頭紗及領呔的羊駝公仔，附有九個心型圖案，並hashtag「我願意」，至昨日（7日）正式公布喜訊，承認找到Ｍr. Right。

Jan在IG留言：「Mr. Right你都唔係好肥啊，定係我太瘦所以顯得你肥呢？為咗你，我唯有好好增肥啦！Mr. Right係一個大我幾年嘅圈外人，我一定會好好保護愛護我嘅超人老公，好多謝大家的祝福。」Jan獲傳媒恭喜，但她貫切低調作風，沒有透露求婚細節。

現年33歲的謝芷倫在2014年參選港姐後入行，憑TVB處境劇《愛．回家之開心速遞》中飾演大小姐的秘書Mandy一角，成功入屋。不過，Jan之後告別《愛回家》轉拍正劇，還有擔任《3日2夜》、《姊妹淘》及《流行都市》的主持。