Juicy叮｜外傭加薪至6000元要求工作不增量 凑兩孩港媽嘆：做埋都唔夠開支

百物騰貴衣食住行樣樣都加價，有港媽在「親子王國」討論區發文，家中聘請的外傭打算轉工，她於是開價至每月6,000元挽留，對方還要求工作量有少無多，令港媽十分勞氣。

港媽發文指，2年前疫情剛開始聘請外傭到港，明白市況難請外傭，所以個多月前已問外傭是否願意續約，亦主動加人工到每月5,000港元。

港媽指對外傭都算不薄，工作量不大，是個父母雙職的四口之家，主要負責接送小朋友7歲返放學及補習，她亦只要求外傭洗衣、家中基本清潔，煮2餐飯，連餸也是港媽自己買。外傭也有獨立房間。雖然外傭每兩月就報廢家中一隻煎鑊，而且煮飯總是多鹽、多油屢勸不改，但港媽每月都買指定牌子的女士衛生巾和洗髮乳給她，印尼家鄉需要口罩、搓手液都照樣贈送給她，「總之我成日都零零碎碎咁買完當送畀佢，都係希望開開心心」。

不過近日外傭姐姐答應了卻突然反口想辭職，指中介有新工介紹給她，外面開價每月5,200至5,500元，港媽於是一口氣開出6,000元，不欲再討價還價。對方答應後2日，又要求加薪後，規則和工作量不可變。港媽大為不忿，「我其實聽到都好嬲，相處了2年，我加到這個人工，真的做多少少都唔過份啦！仲要我保証。」

港媽又指曾經向多間中介問價，市面都要月薪5,800元起步，而且嫌棄有2個小朋友的家庭不會接，還未計算15,000元左右的中介費, 「我真的覺得，香港嘅小市民好慘，做埋都唔夠開支」，「唯有都係忍佢2年，希望2年後好正嘢回復正常，唔洗再揸頸就命」。

不少家長都飽受加價苦惱，「雙職父母，焗住要工人姐姐，真係無計。如果你重新請一個，可能要長時間等，仲要一筆費用，條數都喺返到」、「打工當然係講金唔講心, 但都唔係咁掛, 都加咗你人工, 係咪自己都要做返相應嘅嘢, 而唔係要求唔可以加工作呢??」、「上星期先問完中介，依家請海外，要等7-9個月，手續費+檢疫預3.5-4萬元 (仲要唔包一定嚟到，嚟到又唔包佢做得長)我係樓主，我一定忍忍忍 」


帖文轉載自「工人續約，開天殺價」