全民造星IV｜28歲Dru勝在中性型格夠特別 22歲Yoyo有花姐加持賣甜美仍慘敗
2021-11-11 22:39 
以打造全新女團為目標的《全民造星IV》今晚播出最新一集，有兩位風格差異非常大的參賽者，分別是《造星IV》中唯一一位以中性打扮的28歲Dru，同節目開始前已因清純甜美而吸引大眾的22歲Yoyo。Dru喺彩排嗰陣就揀咗一首反差好大嘅甜美風歌曲，又不停畀心心加扮可愛，女團經理人阿Wing都直指佢油膩，花姐更開口大罵：「你根本唔係一個賣萌嘅人，唔係賣可愛嘅人，你走去賣可愛畀心人地，我真係想畀你一巴。」搞到Dru信心大減，96強表演只係企喺度唱出《刻在我心底的名字》。不過評判朱栢康就似乎好滿意Dru呢一身中性look，「我相信呢個係值得加分嘅位。」
而22歲的Yoyo就同Dru截然不同，一出場就深得工作人員歡心。面試時更難得獲花姐讚賞，直指「我放棄MIRROR簽佢」認真厲害。而Yoyo就選擇跳唱《Lydia》。導師一邊睇表演都一邊讚：「如果兩個揀，無論如何點都係佢。」
不過三位評判就好似有另外諗法，最後畀咗三盞藍燈，Dru成功晉級，並加入梁祖堯B組。
關鍵字
最新回應