Lucy病癒即變身登台歌手 披金色戰衣不插電高歌

李璨琛的3歲女兒李元元（Lucy）日前因鼻涕未清而留在家中休息，一個星期不能返學，對好動又愛返學的她，可算是相當難受的一周，更被Lucy媽取笑全天候頹廢。Lucy昨日（14日）似乎已好番晒，見她再次歌手上身，有齊造型兼台風，赤腳唱歌，加上支咪未有插電，仍然嗌爆咪，表現好精靈。

Lucy媽留言：「睇你個台風同造手，直頭好似參加咗歌王爭霸戰咁款喎 #嗰隻豬手肉緊到」，不少網民對Lucy披上金色斗篷的造型好多意見：「我諗起梅姐風的季節嘅戰衣」、「金光閃閃嘅小鳯lu姐」、「好似登台朱咪咪」、「好有80年代風格！」、「點解有種我會（和）春天有個約會嘅feel」，也有人問：「點解明明個咪無插電，把聲都咁入咪」、「有冇人知唱緊咩歌？」