陳柏宇寧選至尊金曲放棄男歌手金獎 因奪過銀獎成績接近

陳柏宇（Jason）相隔4年下月再於紅館舉行演唱會，日前接受香港開電視訪問時指演唱會以「Fight For」作為主題，他亦有份構思：「Fight For呢個名將整個疫情嘅經歷講咗出嚟，疫情期間想做一啲自己想做嘅嘢，點解會做唔到，係因為有其他顧忌。做咩都好，有其他人嘅時候就要顧及其他人感受，要犧牲多少自己嘅感受，呢個係疫情時諗到。」

疫情期間Jason還開設自家網上頻道，曾有歌迷問Jason有關二選一的問題，而訪問當天他亦要接受二選一挑戰，若老婆符曉薇與3歲女兒Abigail都變了喪屍，但只有一粒解藥，Jason會給誰吃？他想一想說：「我會先救媽咪，因為先救個女，佢幫唔到我去搵第2粒解藥，甚至佢可能係個負累。而且囡囡較細，唔太難處理，先捉住佢再困住，佢唔會老唔會死，怕咩？」又真係好似幾有道理喎。

若果在至尊歌曲獎和男歌手金獎中取捨時又如何，Jason今次想了很久才能作出選擇：「至尊歌曲獎，我都攞過男歌手銀獎，都幾近。但至尊歌曲獎，10首歌曲中我都未攞過第2，我只係得過第3，好似係《你瞞我瞞》，然後第7、第10首也試過，不過冇一件事係比另一件事大，兩者係同等大。」