造星IV丨Ling以39歲之齡晉級被鬧 IG嘆努力被抹煞

ViuTV《全民造星IV》日前選出60強，大熱如：劉綺婷（Yanny）、吳欣諺（Yanis）及黃敏蕎（阿妹）等均未被導師梁祖堯（阿祖）及許廷鏗（Alfred）復活，令觀眾大跌眼鏡。甚至有網民連日來去討論區及社交平台大罵阿祖，令阿祖都不得不出Po回應。

其中最受爭議的晉級參賽者，莫過於「重讀生」方芷欣（方方）及謝裕鈴（Ling）。前者上屆參加過卻20強止步，但她仍未放棄，今屆再次參加，不過卻被網民指雖有實力但好勝心強，而且沒有觀眾緣。後者則以39歲之齡殺入60強，身為四個小朋友的母親，仍有追夢心的確好勵志。但節目開宗名義話選女團，觀眾似乎更期待看後生女，而且認為其實力未到非晉級不可，加上她本身認識導師阿祖，令人覺得她是靠人情分晉級。

有網民到Ling的IG留言批評她：「尊重你追夢唔應該受年齡限制嘅諗法，亦都欣賞你嘅表演，只係覺得呢個擺明選女團嘅比賽唔係好啱你參加。」而Ling都大方回應：「其實我都覺，但有個朋友好鼓勵我去參加，試吓玩吓囉！」又稱會盡力去做。對於有網民認為她是靠關係沒有實力，Ling表示：「我唔需要靠關係入選囉！你冇嘗試去睇吓我幾努力啫。不過唔緊要，個人喜好唔同其實OK，只需要互相尊重。」

另外亦有網民直指Ling抹煞了年輕參賽者的大好前途，Ling反駁：「17歲有大好前途會咁易被抹煞到？有冇咁脆弱呀？有冇諗過你咁講其實係抹煞咗我嘅努力？」強調自己不是自我感覺良好和發明星夢，而是要走出來讓人看到她沒有被年齡規範人生，又希望大家不要輕易標籤自己和別人，希望大家都有更大的眼界接受不同的事物。