車Cam直擊｜旺角婆婆衝燈過馬路 路人有樣學樣集體無視紅燈
2021-11-23 10:39 
馬路上，行人及司機都要打醒十二分精神！網上流傳片段，旺角有私家車在綠燈亮起、準備轉出路口時，突然有一名婆婆唔望燈衝出，旁邊的路人見私家車剎停後竟「人過我過」，令司機有路過不得，引起網上熱議。
有網民在社交媒體Facebook群組「馬路的事討論區」上載一段車Cam片段，當中顯示上周六（20日）下午5時許，一輛私家車沿旺角西洋菜南街等待轉燈，準備轉左駛出亞皆老街，當交通燈亮起綠燈時，司機亦慢慢「踩油」向前，左邊一些本來打算衝紅燈的路人見狀亦急急停步。
不過就在此時，一名婆婆疑看見另一邊斑馬線「過得」，突然從右邊衝出過路，且全程沒有看向私家車的方向，幸司機及時剎停才沒有釀成意外；其他路人有見及此，竟有樣學樣照過，完全無視司機的存在，令他感到相當無奈，表示「無啦啦又等多支燈，綠燈都無得行呀」。
影片引起網上熱議，不少網民都紛紛笑言，「香港人好齊心，見到婆婆行一呼百應」、「行人心諗XX司機衝燈」、「果然人多做咩都係啱...搞到我以為明明綠燈轉眼變成紅燈」、「其他人照過嗰下好嘢，完全無視個紅燈」、「全部都好齊心 我懷疑全部都係有夾過」。亦有網民涉事司機不應容讓路人衝紅燈，「點都長鞍，嚇下佢警剔下佢」、「咇醒班友，你咁樣係間接縱容佢哋唔看燈過馬路，第時害死啲司機！」
影片來源：「馬路的事討論區」FB
關鍵字
最新回應