黃子華相隔5年跟偶像合演舞台劇 潘燦良受寵若驚一口答應

黃子華、潘燦良兩位視帝、劇帝將聯手合作演出舞台劇《最後禮物》，此劇將於明年1月開始在演藝學院合共演出30場，日前兩位男主角在片廠拍攝宣傳海報。黃子華和潘燦良都是當今首屈一指的演員，但原來這麼多年來今次才是第一次合作，皆因當年黃子華離開香港話劇團後，潘燦良才加入，因此他名符其實是「阿燦師兄」。

黃子華已有5年沒有演出舞台劇，對於今次跟師弟合作，甚至形容他為偶像，表現興奮：「今次能夠同我偶像潘燦良合作，真係夢寐以求，潘燦良應該係我喺香港舞台上，睇得佢最多戲的人，粗略估計我睇咗佢十部演出或以上，所以好開心可以同佢合作。」潘燦良聞言即表示受寵若驚，他亦說：「今次因為能夠同師兄黃子華合作，加上劇本係出自最佳編劇莊梅岩，所以一邀請我演出，他就立即答應。」

由於時間緊迫，兩人已開始投入綵排，又因為疫情關係，編劇莊梅岩身在外國暫未能到港，因此開會、圍讀等，大家都是用視像方式溝通，子華笑謂： 「圍讀嗰日都幾震憾，因為我冇諗過坐喺到一齊演出嘅演員，位位都係舞台劇界可以獨當一面嘅朋友，呢個咁重量級嘅製作，如果你依家喺外國，都應該快啲返嚟隔離，希望你隔離完重可以入場睇得切。」