林宣妤時裝劇場上獻唱梅艷芳金曲以自家方式演繹全冇壓力

2021-11-24 23:00

TVB前藝人、曾跟丁子朗傳緋聞的林宣妤（Serene），自從離巢簽約新公司後，有不少新發展機會，她將與姜大衞的細仔姜卓文（細John），演出一連三場由胡恩威執導藝術科技時裝劇場《道可道Fashion道》，Serene會穿上高踭鞋化身模特兒唱出梅艷芳經典名曲《似水流年》，為此她重溫梅姐的演唱會，Serene大讚梅姐有型有性格：「睇過佢好多訪問覺得佢好有義氣，好為朋友，係真正嘅巨星！」上台演繹對方名曲有否壓力？Serene表示不會，因自己並非刻意模仿，而是用自己方式去表達。

細John有份參演電影《梅艷芳》，雖只是客串，但都視為寶貴經驗；而他正忙於與郭富城合作拍電影，因此現在要一邊拍戲一邊演劇場，細John承認兩邊兼顧當然有壓力，慶幸檔期能作出遷就。細John 9月才與Serene一起演出舞台劇《香港生死書》，對上一次的主題比較沉重，今次的劇場形式比較輕鬆，他笑言自己鍾意行時裝騷，因只要換衫快、記走位及擺甫士便應能順利過關。