蘇皓兒曾愛凌晨上網打Online Game 自爆網名叫頑皮仔

「宅男女神」的蘇皓兒（Chloe），最近接受同門師兄蘇宸褕（灰熊）挑戰，大玩「5秒定律女神版」，測試Chloe究竟係真女神還是假冒女神。遊戲開始前灰熊向女神大潑冷水，但結果Chloe在遊戲過程中展現美貎與智慧並重的一面，期間有一條問題是「和伴侶共處時唔會做的三件事」，Chloe輕鬆答道：「剪指甲、撩鼻屎、𢱑腳趾。」

一向熱愛打籃球的Chloe，原來亦很鍾意打online game：「最瘋狂試過一日打8個鐘，由凌晨12點打到朝早8點，嗰時會開咪同唔識嘅人打，啲人仲問我係咪住喺外國，因為我次次都係外國時間先上線，嗰時我網名叫『頑皮仔』，不過而家已經少咗打機。」灰熊笑言原來Chloe最「麻甩」的一面就是她的網名。