張振朗視后一票投畀鍾嘉欣稱子羚為兒時偶像睇《四葉草》長大

2021-11-27 21:30

張振朗與姚子羚今日到將軍澳電視城錄影《思家大戰》，張振朗指玩遊戲比電視上看到的更難，笑言被考到腦閉塞，而子羚則擔心做「豬隊友」連累大家，笑言往績算是不錯，參加林盛斌的節目都有贏獎金，而今次若贏獎金便請《拳王》台前幕後吃飯，若贏不到便由張振朗買單。

提到張振朗在《拳王》中因大哥譚俊彥的死而淚崩，感性一面感動觀眾，他笑言：「玩遊戲唔會喊，今次要多謝監製好有心安排大家去突破，嘗試唔同嘅角色。」子羚也笑言不似角色女強人，強調自己私下是小女人，是溫柔體貼善解人意。

子羚更透露日前與姊妹們欣賞胡鴻鈞演唱會，最近有好多肌肉睇大飽眼福，提到劇集反應好，可以乘勢拉票？子羚說：「私心諗就想憑《大步走》同陳山聰攞拍檔獎，因為合作《同盟》時已錯過咗，而女主角競爭都好激烈，全部係好姊妹同好朋友，即使同張振朗同場，都要幫黎耀祥拉票。」而振朗則表示女主角已票投鍾嘉欣，因為子羚是「兒時偶像」，笑言自己是看《當四葉草碰上劍尖時》長大，子羚是要放在心裡尊敬的人。