黎諾懿小春雞合力為老婆執走佬袋追女失敗有個「孖」字感滿足

2021-12-06 13:30

黎諾懿將於本月再為人父，近日除了忙着為即將出世的BB添置用品外，又忙着照顧老婆李潔瑩（Nicole）及向4歲兒子「小春雞」黎峰睿，他要向囝囝灌輸即將要做哥哥的訊息。日前黎諾懿便跟「小春雞」為腹大便便的老婆準備入醫院時的「走佬袋」，兩人果然十分體貼，不用Nicole操心。

自從「小春雞」出世後，黎諾懿和老婆皆有共識要再度造人，雖然他一直希望第二胎生女，可以湊成「好」字，結果第二胎依然是囝囝，湊成「孖」字也不錯。談到再為人父的心情，黎諾懿表示：「心情梗係開心，因為無論工作幾攰都好，只要返屋企見到老婆同個仔，就咩都唔記得晒，乜嘢都值得。」

雖然恨生女，但黎諾懿斬釘截鐵表示「兩個夠晒數」：「我同老婆都認為兩個小朋友就夠，再多個小朋友會分唔到身，最緊要佢哋兩個小朋友相親相愛，我湊峰峰（小春雞）時，老婆湊細佬，咁樣時間會分配得好啲，雖然今次唔係生女，但都唔會再追，而家已經好完美。」回顧上次黎諾懿陪老婆入院生「小春雞」，全程只是得個忙字，他表示今次一定要好好享受整個過程。