朱敏瀚指余思霆給予工作動力 訂下目標先做男主角再做人夫
2021-12-11 15:30 
現年29歲的朱敏瀚，去年憑TVB劇《反黑路人甲》陸秋一角奪台慶頒獎禮「飛躍進步男藝員」，今年他再以兩齣台慶劇《換命真相》及《拳王》入圍「最佳男配角」。近日朱敏瀚接受商台《1圈圈 星光背後》專訪，他2015年被安排主持婦女節目《都巿閒情》，兩年間曾感沮喪：「最初反應係：『吓？唔係吖話！』我入行係想演戲，但唔夠騷都要向現實低頭。大王安德尊就跟我講：『阿仔！我知你鍾意演戲，但你唔好看輕呢度啲機會，將來你必定感恩做過《都巿閒情》！』。到今天，我的確感恩，因為從前我唔識講嘢，嗰兩年無論係講嘢技巧或對鏡頭，都係最好嘅訓練。」
朱敏瀚跟華姐余思霆公開認拍拖，他卻不怕有礙事業：「或者依家時代唔同，我覺得思霆無阻礙過我，反而對我有好大幫助，因為佢畀咗我好大力量做我想做嘅嘢。」朱敏瀚指喜歡女朋友愛笑，也欣賞她孝順及對朋友好。有沒有結婚計劃？朱敏瀚表示：「女友絕對係我嘅人生伴侶，我係嗰種感覺唔到對方係結婚對象就唔會一齊嘅人。我認為我同佢她都係朝住呢個目標（結婚）進發，但都要睇大家事業基礎，最重要係經濟原因，我希望做到能負擔所有，如果唔係反而害咗佢。」他表示現希望先做男主角，其次才做人老公。
最新回應