袁晴晴被指曾揚言想搵黑社會斬人 舊愛報警稱遭勒索及騷擾

曾參加《全民造星III》的袁晴晴（Coco）前日（14日）被已婚舊愛L先生爆料指，以懷上L先生骨肉為由勒索分手及墮胎費，更騷擾L先生及其妻子。《東張西望》昨晚（15日）再播出L先生講述遭Coco勒索及騷擾的經過。

 

L先生稱遭舊愛Coco索取共40萬元，其中20萬元事前已分兩次給了Coco胞弟。

 

L先生指Coco多次向他呻佗B好辛苦，又指舖頭欠租多時，需還租金，要求L先生畀15萬元救她的舖頭，L先生稱：「佢用帶威脅嘅語氣同我講『今日一定要有15萬，如果唔係就係另一樣嘢』，嗰15萬係畀現金嘅，佢細佬嚟攞。」不過Coco收到15萬元後，再反口稱她要求的是20萬元，指L先生仍欠她5萬元，稱：「收唔到錢，件事就未解決，唔當交代。」L先生無奈地再過數給Coco弟弟的戶口，隨即封鎖Coco兩姊弟所有聯絡方式。

 

Coco開台式飲品店，又開小食店，不過去年就向L先生稱已欠租半年。

 

Coco被指問L先生攞15萬元救舖頭。

 

畀完15萬又改口話本身話要20萬。

 

L先生又再過多5萬蚊去Coco細佬戶口，但件事仲未完……

 

但Coco仍未心息，向L先生的老婆自爆懷孕一事，將驗孕棒及未有身份證明的檢查報告寄到L先生老婆的公司。更申請不同賬號在網上抹黑L先生老婆「床單換保單」，甚至建立一個新賬號扮L先生老婆，再自編自導自演對話內容，繼續在網上抹黑L先生老婆。
 

Coco向L先生老婆稱懷有L先生骨肉。

 

Coco被指抹黑L先生老婆。

 

而L先生老婆就堅稱Coco呃人，根本沒有懷孕。Coco騷擾L先生夫妻目的是想再索取20萬元，不過一時又以退為進，稱：「為名份可以唔要錢。」要L先生二擇其一，離婚或一次過給她20萬元。L先生更呻Coco當正他是債仔，寄信給他叫還錢，又跟蹤L先生老婆。

 

Coco被指跟蹤L先生老婆。

 

又寄信叫L先生還錢……

 

Coco被指扮L先生老婆，自編自導自演對話內容。

 

二人其後約見面，Coco稱已有新男友，不過仍有事情未解決，更向L先生指：「20萬啦，20萬就當解決。」L先生又指Coco向他說有想過找黑社會斬他，最後L先生決定報警處理。《東張西望》訪問了律師意見，指Coco有機會涉勒索及披露他人資料等罪行。及後又致電給Coco問她回應，但Coco稱已把事件交由律師處理。

 

Coco同細佬

 

L先生最後決定報警。

 

Coco稱事件已交由律師處理。

 

至於懷有L先生骨肉一事，L先生稱他聽Coco朋友證實，Coco只是經期遲了幾天，根本沒有懷孕。而自稱是Coco好友的女子Mimi亦向《東張西望》表示：「後來原來冇事，只係（經期）遲嚟咗，佢又冇同返個男人講喎！」又批評Coco份人好假，因為想入行做明星，但唔順利，就將演戲放在日常生活中。L先生都表示好後悔認識了Coco，很對不起老婆。

 

L先生認為Coco沒有懷孕。