梁振英：候選議員質素相當好 信新屆立會意見多元議政水平高

全國政協副主席梁振英今日（18日）接受網媒專訪，指自己仔細看過各立法會議員候選人的宣傳資料，認為他們質素相當好，相信撥亂反正後的新一屆立法會是一個意見多元、積極活躍、議政水平比較高的立法會，希望新一屆立法會議員應調和及統一意見，支持特區政府施政，聚焦解決房屋問題。

梁振英在訪問中指，新一屆的立法會應更有成效，效率更高，行政立法關係更加能夠根據《基本法》實施，希望特區政府能夠大膽改革，盡早謀劃，也希望立法會議員能多提改革方面的意見和建議，因為施政需要不斷檢視和自我改革，「由於立法會反對派議員嘅阻撓，好多該改革嘅無改革，包括政府架構重組，我做特首時提出成立創科局，俾立法會拉布拉死咗兩次，第三次遲咗兩年半先成立；提出成立文化局，拉布拉死咗，文化局即使明年先可以成立，都拖遲咗10年，嚟緊嘅立法會，我相信唔會有啲咁嘅情況」。

對於新一屆立法會能否能對政府起到監察和制衡作用，梁振英表示根據《基本法》，行政機關要在4個方面對立法會機關負責，立法機關制衡特區政府的權責非常清楚，又指過去的立法會生態不是制衡特區政府，「基本上係胡鬧、肢體衝撞、掟東西、粗言穢語、拉布，呢啲肯定唔係《基本法》內要求的立法會。日後嘅立法會撥亂反正之後，仍然會是一個相當活躍，有多元意見嘅立法會。」

梁振英表示新任立法會議員的工作重點，是集思廣益後將不同的意見調和和統一，「我覺得呢個係重要嘅，否則90名議員有90種不同意見，特區政府比較難採納佢哋嘅意見。佢哋嘅關注點應該係社會嘅關注點，大家知道，現在最大嘅民生問題就係房屋問題，希望佢哋能夠支持配合特區政府喺解決香港房屋問題方面嘅舉措。」