立會選舉｜管浩鳴：陳同佳案並非首要處理事項

立法會選委界別40席塵埃落定，香港聖公會教省秘書長管浩鳴成功當選。管浩鳴指陳同佳案件並非他首要處理事項，否認因陳同佳案而當選，又認為陳同佳一日不坐監，事件都不會結束，會繼續與律政司商討，而最簡單的方法便是台灣讓陳同佳入境投案。

另外，管浩鳴指進入議會後，首先會處理社會撕裂問題，給予因為社會事件留下案底的年輕人更生機會，「基本上我想特別處理年輕人，特別係社會事件中案底嘅問題。因為對佢嚟講係終身烙印，始終佢哋係香港子女，我認為要畀一個機會，咁就同特赦有啲不同，坐完佢哋應受嘅刑罰，但問題係要永遠要留案底，對年輕人應有更生機會，看看可否做到。我估特赦會有啲爭拗，我估任何人喺任何地區，對於年輕人犯咗錯，畀個機會佢哋係一件好事，相信大家可以商量一下」。