Juicy叮｜減肥港女嫌餸菜油膩「過水」 遭男友媽訓斥：唔好再上嚟

有正在減肥的女網民在「香港討論區」上發文抱怨，上男友家食飯時因將餸菜用清水涮一涮，被男友媽媽喝斥以後不要登門食飯，令她不滿「點解上咗年紀既人咁唔體諒人?」。

網民稱，最近想食清淡點，少鹽少油，想減肥，計劃已經實行一個月，成功減到磅。近日上去男朋友家食飯時，男友媽媽煮了很多肥膩的菜式，包括鳳爪排骨、炸子雞、燒肉、煎魚，連菜的外觀都好多油份。

發文者稱，對方媽媽煮了又不好意思一口都不食，「咪叫男朋友畀碗水我，我沖咗一次水先再食，同埋啲雞同燒肉都唔食皮。佢阿媽就唔滿意咁問我點解要咁樣做，我答佢因為我最近減肥想食清淡啲」

 

女網民登門作客，嫌餸菜肥膩用清水涮一涮，結果被男友媽媽訓斥不尊重她。示意圖片

豈料男友媽媽大發雷霆，「點解唔早啲出聲，仲話我咁樣好大晒唔食皮，拎啲嘢食去過水好似話緊佢煮嘢唔好食咁」。

發文者不解，如果不好食，就連過水都唔會做，乾脆不進食便可，而男友亦幫忙平息爭拗，叫媽媽不要動怒稱都是爲了健康云云。

男友媽媽怒不可寫，質問是否做小動作去暗示她身為人母不懂照顧家人飲食，之後更斥責「我地啲老嘢煮嘢係咁豐富啦，如果咁難為你，你以後咪唔好勉強上嚟食啦! 去返啲西餐食沙律啦!」。

發文者不能接受，「我家陣又唔係唔食你啲嘢，洗唔洗咁大反應呀！我係屋企咁樣做我爸媽都未冇出聲啦」。男友叫她過一段時間買份禮物上門安撫老人家就無事，但她仍然感到不忿。

 

女網民登門作客，嫌餸菜肥膩用清水涮一涮，結果被男友媽媽訓斥不尊重她。示意圖片

不過有網民認為發文者無禮貌，「唔食肥膩嘢早啲講，又不是初次食飯，唔識尊重人定是溝通有問題。」、「如果減肥，可以食少啲，其實返轉，又真係幾侮辱架，咁辛苦落心機去煮畀後輩食，點知一啲都唔畀面，一定嬲啦。現在的人，一點人情世故都不懂，只懂想自己。」、「係你不識做人啫，你咁做其實好無禮貌，即係擺話畀人哋阿媽知佢的嘢不好食或不合你胃口。我係花生友見到你咁寫都覺得不妥；你一係食少一餐健康餐捱咗佢，一係煮前出聲，一係不上去食。你可能直腸直肚，但人家可能會想你係唔係有弦外之音，看來你入世未深，人情世故你不係好懂。」、

有人建議，「如果你講既嘢係事實的話，我唔會好似你咁做囉，最多只食幾件餸多食菜就算，之後話自己畀較鍾意食菜，還要施慢食，食到半飽不餓就停。」、「自己屋企人唔同人哋，因為佢唔係睇住你大，唔同環境長大，所以一定會有矛盾，呢個時候你可以話你係自己屋企都係咁，慣咗，唔好意思，你男朋友又可以幫下口。人同人相處係有難度，如果第日同住就慘」

帖文轉載自「我都係想食飯食得清淡D，但佢阿媽叫我以後唔好上黎食飯」