陳慧琳再任軒仔演唱會嘉賓 取笑主角似聖誕樹咁dry

張敬軒昨晚（23日）的首場《THE NEXT 20》演唱會邀得陳慧琳（Kelly）擔任表演嘉賓，她即場八卦軒仔的初戀，而軒仔就擺媽咪上枱！軒仔介紹Kelly出場時表示，難邀請得一位十分之有份量的嘉賓，以輩份而言，自己要親自落台邀請這位大貴人，繼而陪著Kelly出場並拖手攬腰合唱《紀念日》，期間軒仔更兩度跪地仰望Kelly。

 

軒仔件水晶歌衫又靚又有氣勢。

 

睇得出演唱會真係落足本。

 

久違的Kelly依然又靚又索。

 

唱畢，Kelly就搞笑問軒仔：「上一次為你做演唱會表演嘉賓係3年前，今次係第2次，你係咪人緣唔好冇朋友，所以請嚟請去都係我？」軒仔即否認道：「唔係，係我鍾意你，而且我終於有機會講呢句話，就係我好細個就聽你唱歌。」Kelly即大呼：「啋！」軒仔解釋是因為Kelly早出道，並指很喜歡聽對方的歌《誰願放手》，因記錄着自己「十月芥菜及情竇初開」之時，Kelly即向軒仔八卦：「咁係咪你初戀之時？又係誰放手先？ 你請得我上嚟就預咗我會八卦！」軒仔尷尬推說：「大家都放手。」Kelly再笑指一身綠衣的軒仔像棵樹，笑指這棵聖誕樹很dry。

 

兩人合唱掀起台下一片掌聲。

 

軒仔的父母也在台下捧場支持。

 

Kelly又稱一直有留意軒仔的社交平台，知道「遮遮」煮的食物很獨特，想請「遮遮」的同鄉，因可以令自己愈食愈瘦。軒仔聞言即搞笑推介張媽媽為Kelly煮早餐， 指媽咪煮什麼都無味道，近期更愛整「英泥早餐」，Kelly再取笑軒仔道：「你媽咪應該係驚你冇牙呀！」令軒仔無力招架。其後當Kelly獨唱《最愛演唱會》時，軒仔即變身小粉絲盤膝坐在台上欣賞。

 

都係嗰句，好靚呀。

 

尾聲跟一眾舞蹈員又唱又跳。