江若琳結婚3周年稱冇慶祝 老公蕭唯展以魚蛋論放閃

江若琳（Elanne）與丈夫蕭唯展（Oscar）結婚3周年，二人前日（23日）於社交平台上載到小店吃魚蛋粉慶祝的照片。江若琳表示很多人問她會到哪裏慶祝周年紀念日，她都一一回應沒有：「真係唔會有，死心啦，我哋係一對零儀式感嘅夫妻。因為…天天都是情人節！」原來Oscar帶了Elanne去吃魚蛋粉，上載合照並寫道：「每粒魚蛋都代表我對你嘅愛，加埋有九粒魚蛋代表長久。真正女人先會陪你食魚蛋粉。」

 

Elanne同Oscar本身都冇乜儀式感。

 

Oscar搵到個陪自己食魚蛋粉嘅老婆好幸運。

 

Elanne亦公開感激及大讚Oscar：「短短三年多謝你陪我經歷最難捱嘅事，你呢份勇氣好值得欣賞！結婚嗰陣，你話要做一棵蘋果樹。呢3年喺呢棵樹嘅護蔭下，我個心好安心，亦好開心！先生，多謝你！你係全世界最好嘅人類！我唔知道我可唔可以迎接到雨後彩虹，但我確定我嘅世界有你就有陽光。」圈中好友如鍾舒漫、方力申等都紛紛送上祝福，謝安琪也留言寫道：「白頭到老，永結同心！你地（哋）兩個都咁有眼光，搵到最啱自己嘅另一半。」

 

二人結婚3年，陪彼此度過低潮。

 

結婚周年當日，Oscar邀約Elanne睇燈飾，但Elanne以要餵貓為由拒絕。。

 

江若琳知道老公Oscar最近工作忙碌，但是也抽空陪伴她，已經是最好的禮物。結婚周年當日，Oscar邀約Elanne放工後看燈飾，但都被Elanne拒絕了，原因是要回家餵愛貓吃飯。Elanne經營的YouTube頻道早前上載了有關於結婚三周年的默契大考驗，當中被問到他們是何時開始拍拖，二人都表示忘記了，江若琳更自嘲道：「我們真的是本世紀最不浪漫的夫妻，記得結婚周年已經很好。」