新城勁爆丨炎明熹成首批亮相友台藝人 跟MIRROR前後排坐有點頭

炎明熹（Gigi）和姚焯菲（Chantel）首奪樂壇頒獎禮的殊榮，雙雙在《新城勁爆頒獎禮2021》得到「勁爆新人獎」；Chantel更成為這個頒獎禮最年輕的得獎歌手，她聞言驚喜說：「Wow！好開心，Thank you everyone！多謝媽咪2006年才生我出來。」提到得獎感受，Chantel說：「好開心、好興奮、仲好緊張，緊張到上到台都唔知講乜嘢。」Gigi跟Chantel謂：「妳已經很好、第2個講，我第1個，雖然我想好大綱，但最後都冇講，好多人都未多謝，我都覺得自己好幸運，但唔係憑幸運就可以得獎，係得到好多人幫忙和支持，所以仲要多謝DJ、做歌的團隊、及所有幫過我的人。（會否期待其後的頒獎禮再多奪獎項？）當然希望，但順其自然。」

提到《勁爆》及《叱咤》頒獎禮由ViuTV播放，因此Gigi、Chantel和胡鴻鈞將成為第一批在友台亮相的TVB藝人，而兩大電台更爭奪他們的「第一次」，她們均表示不知道；對於有傳TVB將與港台合辦頒獎禮一事更是搖頭稱未有聽聞過。此外，Gigi曾表示期待跟前輩MIRROR見面，事緣之前在《叱咤》記者會上原本有機會碰頭，最終只能遙遠看到MIRROR的「影」，她笑謂：「今晚他們坐正我們前面，他們正面行埋坐位時，終於有機會見到，我仲有點頭，但因現場燈光閃閃下，未知他們是否看到我們。」

炎明熹係首批TVB藝人亮相友台。

炎明熹透露與MIRROR坐前後排，有點頭但唔知對方見唔見到。 ​

姚焯菲笑言要多謝媽咪2006年先生佢出來，令佢可以成為最年輕得獎女歌手。

炎明熹話第一個講嘢好緊張。