梁祖堯約造星囡囡開聖誕P 驚嘆全部係大食妹

 

 

ViuTV選秀節目《全民造星IV》已完滿結束，女團名單本來於1月12日公佈，但今早名單已流出，除冠亞季軍外，Ivy So、WINKA、芯駖、So Ching及Candy亦順利入團，獲評判謝安琪及谷德昭讚好的Win Win及CK就冇份。

Wing較早前在訪問透露女團人數將會是8至10人以內。

 

​ 梁祖堯為《全民造星IV》導師。 ​

 

聖誕禮物人人有份。

《全民造星IV》終於完成，梁祖堯就帶B組參賽者齊開聖誕Party玩餐飽。祖祖尋日在社交網站分享派對照片，並寫上:「遲來的Christmas party !!!!!平時開party，通常一隻火雞都唔會食得晒，直覺話俾我知，呢班女真係好大食，所以我破紀錄整咗3隻火雞，食晒！食晒！食晒！(仲有12盆到會！)然之後玩遊戲，飲酒，占卜，玩到6點，我食杯面，再望一眼，原來仲有一袋到會未開呀！就放咗喺廳中間點解會無人發現，笑到顛咗，呢間野超級切合B組嘅精神係玩得好開心呀，好有愛嘅一班人Love you all。」

 

從片段中可聽得出啲囡囡玩得有幾開心，因為係咁笑係咁笑係咁笑。

被遺忘的到會。

期間限定特別節目環節，打乒乓波。

Dru貪玩到坐埋喺地下，做觀眾睇好戲。

 

Jolin及榛綦friend到攬到實。

梁祖堯整嘅火雞賣相睇落相當唔錯。

 

呢個Feel好夢幻呀。