中環跨年丨吳卓羲獲菊梓喬邀請睇騷 唔否認係女友強調唔講呢啲

吳卓羲早前在社交網因Tag菊梓喬（HANA）而爆緋聞，昨晚除夕夜，HANA在中環為倒數騷表演，吳卓羲帶同家人前來捧場，接受訪問時未有否認HANA是女友。他坦言HANA有邀請睇騷，但他是自己買飛入場，指家人是來看任賢齊、郭富城及草蜢，自己則首次看倒數騷，大讚HANA唱得好好。記者指HANA好像有點聲沙失準，他即幫口說：「我聽之前幾個歌手都有類似情況，可能音響有影響，我覺得她表現好好。」

 

講到HANA透露2021年過得不如意，他自言也過得不如意，因疫情關係未能到內地工作，問到二人的關係是否明朗化？他多次表示不講這些，只是來睇騷，追問HANA是否其女友時，卻未有否認，只是不斷重覆講：「唔講呢啲」，笑問有否後悔來睇騷？他說：「沒有，我真的只是來睇騷，我嚟得仲怕咩？我只是來睇騷，不想一班朋友在室內開party，明天要開工又不想飲酒。」又否認安排家人到場見家長，笑指記者快逼死他。

 

吳卓羲跟家人前來捧場，但否認是安排見家長。

吳卓羲未有否認菊梓喬的女友身份。

而HANA受訪時提到2021年過得不如意，家中有長輩患上大病，愛犬亦病倒，自己花了很多時間照顧，她表示不便透露長輩病情，只謂情況不錯，希望會很快康復，工作方面也感到混亂，但與公司資源分配或何哲圖離職無關，展望新一年能跟著計劃走，最重要是開開心心。

 

菊梓喬受訪時自言2021年過得不如意。

吳卓羲早前因在社交網Tag菊梓喬而傳緋聞。

蔡思貝（右）也有到場睇除夕騷。