陳苑澄元旦報喜懷孕17週 搞笑叫腹中囡囡Nea姐睇住自己
2022-01-01 21:30 
前女子組合As One成員陳苑澄（Tania）去年11月與老字號酒行太子爺Gary結婚，原來當時已是雙喜臨門，Tania昨日在IG宣佈：「1月1日就係我懷孕第17週啦。」
Tania於2018年參加港姐進入12強後加入TVB，現嫁人做幸福少奶奶。Tania直言自己性格向來小小事已很浮誇，所以懷孕初期驚多過喜，寫著：「頭三個月係經常不安，2個幾月到有一日我係咁叫Gary 要買個聽筒返黎聽心跳，又上網睇咩胎心機，但發覺唔可以隨便用就算數，頭三個月我小小事就去醫生度問下check下，所以end up 2-3星期就有用超聲波睇到Nea Tsang。」
Tania透露今胎陀女，並已為BB改英文名叫Nea，並說：「到11週突然間成個人精神左好多，唔洗點訓晏教，個人亦都定咗好多，無咁騰雞。不過最近就開始左爆燥mode，我老公直頭問我係咪以後都會咁乞人憎，所以小左出街小左見人，驚得罪人。上網又睇到以我呢個身高體重，要日吸收2000卡路里！所以我以（依）家由開眼到合埋眼中間個口不停係咁食，不過好彩我完全無孕吐，仲好大食。餘下的6個月麻煩Nea姐睇住我啊﹗」
最新回應