林希靈離TVB跟陳安立情侶檔搵真銀 拍攝時勾起剛拍拖心情

TVB節目《東張西望》前主持林希靈，上月除夕在IG貼相宣佈離開往外闖，踏入新一年的首個工作，就是夥拍男友陳安立一同拍平面廣告，以情侶檔齊齊搵真銀，因此拍攝時兩人不避嫌在工作人員面前「耍花槍」。林希靈表示：「今次係我哋第一次正式合作，有客戶搵我哋做嘢梗係好開心，平日見慣見熟，原來一齊工作竟然有會尷尬，尤其拖手同要表現親密嘅時候。」她坦言令自己重拾兩人初初拍拖時的感覺。

 

兩人擺出不同甫士拍廣告，原來起初不約而同有尷尬。

 

相信未來兩人應有不少合作機會。

 

談到兩人的相處，林希靈表示：「我哋平日喺生活上有好多攪笑嘅無聊對白，加上我哋兩個都做慣主持節目，習慣一唱一和、自圓其說，所以希望有導演會搵我哋一齊拍攝綜藝節目，相信對白都唔需要點準備！」

林希靈加入TVB已9年，近年主力主持《東張西望》，早前她便採訪女保安霸佔聾啞女公屋單位的新聞，由於她聲討該女保安而被觀眾稱為「正義女神」。

林希靈上月尾離開TVB往外闖。

 

兩人私下有相同興趣，因此經常出雙入對。

 

林希靈早前在《東張》中，代聾啞女聲討女保安而獲讚。

立即下載 | 全新《星島頭條》APP : https://bit.ly/3yLrgYZ