姜濤重提叱咤推AL上台攞獎 稱成晚囉囉攣

姜濤日前推出新歌《鏡中鏡》，並到商台接受訪問。提到冧莊再奪「我最喜愛的男歌手」，姜濤坦言：「一向都會話平常心，但其實內心深處係幾唔平常，因為身邊人對頒獎禮都好重視，成個環境影響到自己心態」。

 

 

節目中又提到林海峰頒發「我最喜愛的男歌手」時被指玩過火一事，令盧瀚霆（Anson Lo）信以為真企起身，對此姜濤即笑謂：「都係我唔好，我叫佢起身，叫佢快啲出去攞，我話『你(Anson Lo)快啲出去我就定啦』 ，因為我成晚囉囉攣，覺得今年做歌唔算太優秀，尤其是自己隊友攞就更加開心，所以嗰刻宣佈佢攞時，我就講，你出去，你出去就得㗎嘞！」

 

姜濤今年再奪叱咤「我最喜愛的男歌手」。

 

當晚AL被阿Jan玩到一度以為自己真係攞「我最喜愛的男歌手」。

 

姜濤都有份推AL上台，深信個獎AL有資格攞。

姜濤近日接受電台節目訪問再重提事件。

 

立即下載 | 全新《星島頭條》APP : https://bit.ly/3yLrgYZ