謝偉俊談立會COLLAR︰唔打呔非無禮貌

最近大家茶餘飯後的熱爆話題都是新組成的8人女團「COLLAR」，連立法會議員謝偉俊（Paul）都在facebook講，難道他不怕被白姐姐擰耳仔？原來阿Paul所提及的「立法會COLLAR」是指立法會議員的衣領。

事關上屆立法會修改了《議事規則》，規範議員出席會議的服飾，當中出席立法會大會時要穿着商務服飾，並列出「負面清單」，例如不可穿運動裝、波鞋、牛仔褲等。日前第七屆立法會召開首次大會，大家都穿得非常整齊端莊，不過並非人人都有打呔，包括阿Paul都有被議員問點解無打呔。他就在fb解釋，指《議事規則》其實係無規定議員要打呔，又製圖話立法會可以有無領衫配企領外套，又可有神職人員的羅馬領，亦是可穿恤衫解頂扣。他指，除了背心同汗衣等，其實好多衫都可以着，大方向都係要尊重立法會，又Hashtag話「#我唔打呔唔代表我冇禮貌」、「#唔係政界女團」。

立即下載 | 全新《星島頭條》APP : https://bit.ly/3yLrgYZ