獨家丨陸永同老婆冇乜兩句疑鬧交 撇低兩個女去買禮物

陸永唔經唔覺39歲，同老婆Reina結婚11年，大女都就嚟10歲，所以陸永嘅社交平台都無再PO囡囡啲相，亦好少更新，愈嚟愈低調。日前，見到陸永兩公婆去咗又一城行街買禮物，兩人各有各行冇乜交流，之後食飯睇戲離開亦冇拖手，甚至行到離行離迾，唔通鬧咗交?
採訪:譚壹致

陸永有兩個女，分別係大女Hannah及細女Kenzie。

陸永同老婆Reina結婚11年。

兩年前，陸永同C君因為密密拍攝多輯《 Do姐有問題》及《 Do姐去Shopping 》等節目，成功上位搵真銀，一家四口加貓貓細屋搬大屋。最新有同J2台創意總監C君、林盛斌及麥美恩主持J2節目《各位觀眾4 條傾》，最新一集大爆出席大型頒獎禮時遇過嘅趣事，都幾好笑㗎。

 

唔好嬲啦
當日兩公婆着住啡色衫，襯晒色行LOG-ON，見兩人一入店就各自行，係咁睇啲Figure同擺設，似係買嚟做禮物，揀咗15分鐘就揀咗一堆，因為陸永老婆發現記者影佢老公，然後陸永就拿拿臨畀錢，再急急腳行去餐廳攞位等老婆，入坐後陸永又出返嚟行去戲院買飛睇《蜘蛛俠不戰無歸》，食完就去睇戲，散場後離開，不過，兩公婆成程都冇乜交流，又唔拖手，又冇貼住行，等Lift又前後企，咁嬲咩?

商量買咩禮物，算係最有交流嘅一次。

兩公婆揀禮物各有各睇。

陸永買咗成袋禮物。

陸永攞咗位就去買飛睇戲。

買完禮物，陸永自己行去攞位先。

兩公婆冇乜傾偈。

兩人行到離行離迾。

等Lift都前後企。

 

 

 

立即下載 | 全新《星島頭條》APP : https://bit.ly/3yLrgYZ