狄維莊遜陪美人魚囡囡床上睇卡通覺得好睇強烈推薦

2022-01-19 07:00

雖然疫情肆虐兩年，但網上商機有增無減，特別係名人明星透過IG代言廣告的收益，喺2021年不跌反升，IG有3.88億追隨者的曼聯球星基斯坦奴朗拿度（C朗）榮登網上吸金王，一個IG Po可賺取160萬美元（約1248萬港元），而IG追隨者比C朗少1億（約2.89億人）的狄維莊遜（Dwayne Johnson，巨石），網上代言費亦達152萬美元（約1185萬港元），僅以8萬美元之差屈居亞軍。

呢位搵錢好易嘅老竇好享受家庭生活，最鍾意陪兩個細女Jasmine和Tiana睇戲過週末，例如已陪囡囡睇「第8千次」的迪士尼歌舞片《獅子王》，最緊要囡囡鍾意，陪睇1億次都唔介意。

巨石話陪囡囡睇咗「第8千次」《獅子王》。

(左)Tiana及Jasmine同老竇食早餐。

巨石及大女Simone Alexandra Johnson。

狄維莊遜囡囡呢期鍾意睇Netflix嘅動畫劇集《Karma\'s World》，仲會着晒美人魚衫坐喺床上面睇，最開心就係有爸爸陪住，巨石就咁講，「我啲囡囡好鍾意睇呢個節目，我強烈推薦呢個系列畀各個家庭收睇。」同埋佢仲恭喜劇集嘅監製，老友記Ludacris，因為動畫第二季登上2021年全球前 10 名。