何雁詩晒「升Cup」孕照 嗌腹中囝囝「雞髀」為自己打氣

何雁詩和老公鄭俊弘結婚兩年，日前宣佈造人成功，正佗男B，預產期在今年6月，當日公開的照片中，何雁詩因穿上鬆身衫出鏡，孕肚未算巨大，不過今日上載的新孕照及BB的超聲相，就見到穿上貼身衫的她，孕肚已明顯現形，上圍更睇得出相當豐滿「升Cup」不少，幸而個樣未有水腫及變圓潤，算是保住個樣。

 

何雁詩話要好好享受二人世界，因囝囝出世後就要爭取先有。

 

何雁詩話「雞髀」在肚中腳踢踢，令她安心。

自言每日正在轉變的何雁詩，留言：「每日同自己講： I am fine, I got this. 望住照超聲波見到果隻雞髀，俾d信心自己，有時隻雞髀又會腳踢踢，又會安心d，知道佢喺入面OK，喺屋企花d me time照顧自己，寫下歌、浸下浴、敷下mask，又有d二人世界，因為遲d就要爭取先有，煮吓飯，一齊睇吓電視，好好享受一下，希望一切順利 #DearLittleOne」，足見她十分期待與BB見面。圈中好友賴慰玲、羅天宇及朱晨麗等表示期待，而剛剛誕下第三胎的好姊妹陳嘉寶也留言：「Lovely！」

 

何雁詩與老公鄭俊弘日前公布BB是仔。

 

成班Friends都為何雁詩（左二）佗B感到開心。

 

立即下載 | 全新《星島頭條》APP : https://bit.ly/3yLrgYZ