MC與人妻傳緋聞唔覺有影響 稱已冇聯絡2位緋聞女友
2022-01-26 18:30 
張天賦（MC）先後被網民影到與兩位MV女主角人妻鍾卓穎（Ash）及陳濬樺（Santis）逛超市而傳緋聞。MC被傳暗撻Santis後首度現身，他坦言沒太大影響：「反而覺得最近跳舞、健身、學琴、學唱歌好充實，加上一定會有新聞，又唔係好負面所以唔擔心。」
MC認為一張超市相片指控唔係咁大，之前亦交待過與Ash、Santis只是朋友，覺得外界不要刻意說她們是人妻。他表示：「依然會同朋友做朋友會做嘅事，會逛超市等等呢啲正常社交，因為超市多嘢買，咁啱被影到，其實都係好平常的活動，反而擔心朋友會驚，不過朋友都冇問題。」MC坦言已沒聯絡兩位女主角，因公司認為最好保持距離，但唔會因此冇朋友做。
另外MC透露最近忙於寫歌，亦開始錄新歌，今年將有多首新歌推出。接連跟MV女主角傳緋聞，MC話唔知會唔會冇女主角拍MV，要等公司安排，笑言：「好多人提議改由同門歌手洪嘉豪上陣（拍MV），或者之後同佢傳緋聞，覺得有新聞都係好事。」
立即下載 | 全新《星島頭條》APP :https://bit.ly/3yLrgYZ
最新回應