薛家燕孖林淑敏許家傑拍賀年MV 重遊五十年前打卡點憶當年
2022-01-28 18:30 
陶大宇翻唱劉德華的《倒轉地球》，以獨特唱腔及水撥手勢，人氣一時無兩。近日TVB將《倒轉地球》搵人重新填詞成為賀年歌《今年好笑口》，並由薛家燕率領眾藝人，包括林淑敏、許家傑、鄭世豪、譚嘉儀、鄭俊弘、滕麗名、呂慧儀、謝東閔、伍富橋、谷婭溦、林穎彤、戴祖儀、施匡翹、蘇韻姿及陳浚霆等合唱。
日前家燕姐孖《愛．回家》的「大小姐」林淑敏、許家傑及鄭世豪到沙田拍MV，由麥秋成為歌曲排舞，家燕姐說：「我哋唱呢首歌因為個節奏好輕快、開心，歌詞全部都係講恭賀新禧，疫情之下都希望大家開開心心。今次拍MV有十幾個藝人參與，同我一組係《愛．回家》嘅大小姐、許家傑同鄭世豪，第一次合作大家幾合拍，幾個鐘頭就拍晒。」重返舊地拍MV，家燕姐有重拾多年前回憶的感覺：「五十年前我已經喺呢度拍電影，見到佢哋啲牆貼住我當時拍電影啲相，嗰時十幾歲，同曾江、胡楓喺呢度拍咗唔少青春電影、歌舞片，嗰時都好多人去食嘢同影相，當一個影星嘅追蹤點。」
大小姐願望成真與家燕姐同台唱歌，她說：「希望疫情快啲過去，大家可以一齊再熱熱鬧鬧、開開心心。」提到願望，許家傑說：「最緊要係身體健康！希望可以同家燕姐一齊跳十字步，哈哈！」家燕姐說：「希望我哋演藝界多啲騷，哈哈！雖然大家去唔到街，我哋可以喺屋企睇電視，睇到我哋嘅MV。」
立即下載 | 全新《星島頭條》APP : https://bit.ly/3yLrgYZ
最新回應