瑪姬再開慈善Show 蝦頭感激做嘉賓改變一生

《瑪姬 x 蝦頭 Max Your Love 慈善音樂會》日前圓滿舉行，事隔 14 個月，瑪姬再次邀請演而優則唱的蝦頭擔任嘉賓，齊心以歌聲行善。當晚籌得的善款將不扣除任何成本，全數撥捐受惠機構「展晴社」，以協助推動有關乳癌及婦科癌患者服務，發揮助人自助精神，以生命影響生命。

 

兩人合作愉快，亦喜見對方的歌藝都有進步。

 

受惠機構送贈感謝狀予眾人。

蝦頭在音樂會上感激瑪姬於一年零兩個月前首次邀請自己擔任其線上音樂會嘉賓，直言：「妳呢個 live 改變咗我一生，如果唔係，我唔會繼續開 live，更加唔會喺上個月自己生日時舉行一個實體音樂會。」蝦頭表示二人在這段時間各自在音樂事業上努力，喜見大家在歌藝上有明顯的進步。

 

二人於音樂會前幾天已與樂手綵排，確保當晚以最佳狀態示人。

 

在音樂會上更加插了一幕《絲打圍爐》，二人大談擇偶條件，蝦頭坦言：「我希望對方會係一個懂得生活、識得欣賞自己同與人溝通、比較 warm 啲、實在啲嘅人，咁樣佢一定係一個靚仔。」而瑪姬則表示從小就知道自己不鍾情於靚仔，反而容易被有才華及在自己範疇表現優越的男生吸引，「只要我鍾意佢，佢就係最靚仔，無論身邊嘅人點講，我都係好盲目。」蝦頭即時取笑瑪姬：「原來妳一直拍拖都係 Beauty and the Beast 嘅配搭。」
 

 

立即下載 | 全新《星島頭條》APP : https://bit.ly/3yLrgYZ