譚嘉儀買自己新碟攞好意頭 演唱會延期續練歌兼操馬甲線

星夢歌手譚嘉儀上周五（28日）推出新碟《Eyes On Me 新曲 + 精選2022》，當日進行了快閃行動，突撃遊走尖沙咀、旺角及沙田的幾間唱片舖及大型video wall，嘉儀好興奮一邊打咭一邊開直播，「因為疫情關係，原定星期五當日的演唱會要延期，但這張新精選專輯如期推出，是入行的第四張個人專輯，自己都要買碟攞個好意頭，剛好快到新年，可以當作賀年禮物送禮用，有我嘅歌陪住大家，夠晒Sweet。」

今次新專輯走型格路線，專輯的點題新歌《Eyes on Me》可以說是嘉儀入行十年的一個大挑戰，改變一直以來在大家心目中的文靜形象，搣甩斯文挑戰跳唱快歌。嘉儀說：「自己好鍾意跳舞，好多謝唱片公司今次幫我開演唱會，仲有新班底、新形象做呢首跳舞歌，希望畀大家一份新鮮感，其實係幾大膽，所以好開心依家外界嘅反應幾好。」

雖然演唱會需要延期，嘉儀仍然努力在家練習，希望保持最佳狀態，她說：「希望到時練到馬甲線，有多啲時間可以再做新歌，畀更多驚喜大家，新年期間都會放鬆少少享受下美食，之後就繼續努力 keep fit，努力工作。」
 

譚嘉儀最近推新碟。

 

自己買番隻，攞個意頭。

 

演唱會延期，嘉儀話希望操出馬甲線。

 

立即下載 | 全新《星島頭條》APP : https://bit.ly/3yLrgYZ