MIRROR新年好節目AL要開工 姜濤晒鬚根 Edan搞喊小朋友

MIRROR各成員去年工作忙碌，農曆新年終於有機會休息吓。姜濤已經蓄勢待發，為新劇《季前賽》做好準備。姜濤趁着假期積極做運動健身，他上載一張露半臉的大頭相展現下巴的鬚根。姜濤曾經直言不想大家再稱呼自己做「姜B」，今次趁住假期留鬚根，即時變「姜Man」！

 

姜濤留鬚變咗「姜Ｍan」。

 

至於另一人氣王呂爵安（Edan）則出動拜年，向來出名無偶包的他，一次過抱起兩個小朋友，加埋隔籬有人幫手抱起的小朋友，結果令三個小朋友一起爆喊。Edan一臉無奈，看來他今次真的束手無策。

 

Edan好臂力，可以一次過抱起兩個小朋友。

Edan去拜年。

 

而教主盧瀚霆（Anson Lo）就連新年都要開工，他在社交網上載自己的工作照，新一年繼續向一班「神徒」派福利。

 

Anson Lo上載工作照派福利。

立即下載 | 全新《星島頭條》APP : https://bit.ly/3yLrgYZ