蔡穎恩婚後首年派利是勁興奮 未諗生B先接兩劇挑戰新角色

蔡穎恩（Evelyn）去年11月跟攝影師譚運佳結婚，除第一年以「譚太」身份派利是外，還有「好消息」宣佈，是她今年一口氣接拍兩個劇，過足戲癮。Evelyn表示兩個角色都非常有挑戰性，趁新年假期勤力備課，說：「其中一個角色有好多肢體語言，所以邀請咗戲劇專家甄詠蓓老師幫我補課；另一個角色就好多對白，最近我已經開始喺屋企背默劇本，呢個方法係導演教我，佢話一邊背默一邊讀出嚟，幫助記憶和了解角色。呢兩個角色我從未演過，係新挑戰，希望呈現不一樣嘅蔡穎恩畀大家睇。」

Evelyn踏入虎年就有好消息宣佈。

Evelyn入行後都習慣新年派開工利是，不過今年以「譚太」身份派利是，心情興奮又緊張。她說：「派利是係分享福氣，希望收到利是嘅朋友，接收到我帶畀大家嘅幸福。」問到可有計劃生B賺回利是錢？她說：「好多朋友都問我哋幾時生BB，其實我哋都好想享受二人世界先，難得今年我同老公都唔使離港工作，可以一齊過新年。」她又笑言：「有時見到身邊朋友湊小朋友時嘅『盛況』都有啲驚！」

Evelyn想同老公先享受二人世界，未諗生B。

外表小女孩的Evelyn原來是廚藝高手，每年都會親手炮製蘿蔔糕，她說： 「我整嘅蘿蔔糕非常足料，朋友食過都讚不絕口，今年整咗送畀畀奶奶和屋企人，希望大家食得開心。」除了自製賀年糕點，她還會添置紅卜卜內衣過新年，寓意鴻運當頭。她笑說： 「每年大年初一、初二都會同親友打麻將，正所謂『紅底旺旺，大殺四方』。如果大家都著紅色就打和，所謂和氣生財，一樣咁開心！」不過她自爆是麻將新手，笑料百出，大相公、小相公在所難免，更試過大相公多出三隻牌，非常離譜。

好友林皓霆話要成為第一個𢭃「譚太」派利是的人，沾其福氣。

立即下載 | 全新《星島頭條》APP : https://bit.ly/3yLrgYZ