游學修借運動獎牌畀師弟妹拍攝有借冇還全部冇晒

2022-02-08 01:30

去年12月，YouTube香港公佈2021年度「十大熱門音樂影片」﹑「十大熱門影片」及「十大熱門創作者」等，當中「試當真Trial & Error」在「十大熱門創作者」排榜首，集團主腦游學修在facebook轉發獲獎消息，他還標註了年初曾跟他爆出「蕭游激辯」的蕭若元，並留言邀請蕭先生返港交流，好多圈中人如張繼聰、陳家樂及麥子樂等都讚佢叻。

「試當真Trial & Error」在YouTube「十大熱門創作者」排榜首。

原來修哥唔只有腦，運動都一樣咁叻，點解咁講?佢上載咗張相，相中有一大堆獎牌，Caption咁寫，「FB彈出當年今日，讀書時攞嘅獎，有次借哂畀師弟妹拍攝，冇還到，我仲要唔記得借咗畀邊個，全部冇哂，然後又過多咗幾年，又好似冇咩大所謂。」岑珈其問佢咁樣算唔算威水?修哥無答，廖子妤就問佢，「全部都是體育的嗎?」佢就答係。咁記得借過修哥嘢又咁啱未掉咪還返畀人囉。