不可能任務｜戴祖儀踩錯位拗柴林迪安扯火鬧完再搭膊安撫

2022-02-12 17:00

戴祖儀（Joey）在前晚（10日）首播的綜藝節目《不可能任務》因拉筋表現差，自責怕連累隊友即場爆喊後，在昨晚播出的第二集中，她在接受「跳躍翻騰」訓練時，因信心及力量不足踩錯位致拗柴；擔任導師的林迪安見狀即緊張上前慰問Joey，但也忍不住心痛爆Seed謂：「我講過幾多萬次，叫你哋唔好踩呢度，點解講極你哋都唔聽同唔明？作為武指，我會覺得好慚愧。明知咁樣，都畀人整親嘅？」經眾人一再勸說才乖乖坐埋一邊休息的Joey，事後再度流下慚愧之淚，並委屈謂：「我唔係唔認真。」林迪安見狀再度安撫Joey，並像慈父般搭著Joey膊頭謂：「你唔係唔認真，我睇到你係好認真，但呢個受傷真係唔抵。」場面感人。

林迪安話畀Joey聽唔可以再接受訓練。

Joey明顯聽到不是味兒。

同樣表現略遜一籌的，還有自小已入選香港體操總會藝術體操精英隊、曾在國際瑜伽比賽中獲獎無數的杜穎珊（Sandy）。膽子明顯較小的Sandy，每項考驗均信心不足，多番未能達標，在「對打」基本訓練環節更遭批評「講完都冇進步」。對此Sandy與Joey一樣感自責，Sandy邊哭邊承認有不足之餘，並感謝何慈茵一直全心全意幫她。

杜穎珊在對打環節力不從心，備受批評。

講番感受時淚如雨下。

是集表現最出色的，分別是隊長張振朗、之前在《明星運動會》中勇奪6金2銅佳績的孔德賢，以及5歲已開始接觸洪拳、洪拳大師何麥的女兒何慈茵。張振朗每項訓練均表現出色兼到位，錢嘉樂直指張振朗能帶動學員更積極面對挑戰：「佢喺電視劇都開始係男一，但佢都願意放低身段同新人一齊由零開始學，我覺得佢最好係個心態，覺得自己有啲嘢未夠就去學多啲。」