少爺占整麻糬大福慶結婚16周年 占嫂瞓着凌晨12點前醒咗一齊食

情人節亦係商台DJ少爺占（甄子康）與太太冼燕珍的結婚紀念日，話咁快兩人結婚16年。紀念日正日，阿占出咗個超甜嘅PO，「我記性很好，因為我要把你的事都記，老了你忘記我就提你。又回到二人一枱的時候，找到一個身邊人好重要，因為我只有一個配額。病毒肆虐，好好經營自己，身體健康就是報答對方最好的禮物。能遇上你真好。今天，婚姻十六年。」

少爺占出咗甜蜜PO賀結婚周年。

阿占覺得紀念日點都要搵啲嘢切吓，無蛋糕唔緊要，對烹飪好有心得嘅佢就夜媽媽試整麻糬大福。「麻糬皮用微波爐煮熟糯米粉三分鐘攪掂，即刻整紅豆再要磨做豆蓉需要時間，不過最麻煩都係包成一個波嘅形狀，考功夫。」不過做好草莓大福後占嫂已經瞓咗覺，不過好彩佢深夜又醒返，十二點前趕得切~ 切!，都幾驚險喎。

搓粉皮。

整紅豆再磨豆蓉。

主角之一。

包餡嘞。

大功告成。

好多餡好吸引。

食得。

阿占的結婚16周年總結，「限量煲一集唔捨得咁快睇晒嘅《殭屍校園》，又一晚。平淡的日子真好。」
 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ