金像獎提名丨吳君如認恨再攞影后《媽媽的神奇小子》獲9項提名爆喊

2022-02-16 18:00

第40屆香港電影金像獎今日公佈各獎項入圍名單，由真人真事改編、講述香港殘奧金牌得主蘇樺偉與媽媽「蘇媽」的母子關係和奮鬥事蹟的電影《媽媽的神奇小子》，共獲9項提名，包括：最佳電影、最佳編劇、最佳男主角、最佳女主角、最佳男配角、最佳新演員、最佳原創電影音樂及最佳原創電影歌曲等。

戲中飾「蘇媽」及出任電影監製的吳君如表示：「入圍最佳電影我係爆喊，因我已有半隻腳入咗幕後，如果可以跟電影一齊行落去，係好大嘅鼓勵，亦恭喜戲中兩個囝囝（梁仲恆及馮皓揚）得到咁重提名，仲有導演及編劇及Jer（柳應廷），真係唱得好好聽。我喺1999年攞咗第18屆金像獎最佳女主角獎，依家相隔廿幾年，我好恨攞，我繼續我嘅神奇之路同謝票，希望大家支持我哋。」

君如自爆當得知電影提名名單，即場爆喊。

君如在戲中飾蘇媽，也是電影監製。

同時入圍最佳男主角及最佳新演員的梁仲恆表示：「多謝導演Jimmy信任，有好多時候我覺得佢嘅信任我，仲大過我信任自己。多謝君如嘅賞識，俾我呢一個寶貴演出機會。多謝張繼聰、鍾雪瑩、林家熙（Locker）、小豪哥，佢哋係不可多得嘅好對手。感謝偉仔、蘇媽用自己人生成就呢個故事，佢哋先係真正嘅hero，希望《媽媽的神奇小子》可喺逆境中俾香港人一啲鼓舞。」同樣身負兩項提名包括最佳男配角及新演員的馮皓揚，坦言沒有想過自己的名字會出現在入圍名單：「對自己而言大家喜歡我演出已好足夠，呢次可以入圍真係好多謝大家，亦好感恩遇到呢部正能量電影。」

導演尹志文笑言得知電影獲得多項提名包括最佳電影後，差點喜極而泣：「好開心，要多謝蘇媽同偉仔，當然仲有天下一電影、監製吳君如小姐同埋電影台前幕後，冇上述咁多位嘅幫忙，絕對冇可能有呢部正能量及鼓舞人心嘅作品。」