獨家丨林作激讚一萬蚊消費券夠實用 可畀家傭添置家居物資
2022-02-23 17:00 
林作都好歡迎政府派10000元消費券，他跟普羅大眾一樣咁開心：「有10000蚊梗係開心啦，呢10000蚊可以幫我哋解決未來幾個月，我喺屋企食飯同買餸錢，因為喺屋企時間多咗，就算清潔劑、紙巾都會用多咗啦，所以啲錢係好好用，同埋有需要呀！我媽媽都喺北京打畀我，話寄八達通返嚟畀我claim錢，而媽媽都諗住留10000蚊畀工人姐姐做雜費。」
讚政府幫到手
高薪厚職月入40萬的林作都好緊張呢啲消費券，他解釋：「大家識理財就明白，除咗要增加收入仲要減少開支，呢啲錢係政府幫助我哋減少開支嘅，變相唔使畀咁多錢儲備，買口罩唔係錢呀？疫情下政府喺衣食住行方面幫到我哋減少開支，當屋企夠大使費相對都貴，𠵱家兩母子夾埋兩皮都幾開心，呢啲咪叫有用，所以快啲畀。」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
最新回應