蘇永康激讚張慧儀無私為養子付出 做咗阿爸更加尊敬

蘇永康為張慧儀、廖子妤主持的開電視節目《曬ya馬拉moi》擔任壓軸嘉賓，張慧儀憶述跟蘇永康首次碰面情景，說：「當時我拍《西遊記》，佢喺另一個廠拍法庭戲，嗰時我要去洗手間，見到佢同幾個男同事（陶大宇、歐陽震華、駱應鈞）竊竊私語，遠遠望到，我個心諗『都冇好嘢』，當我行過時，佢哋叫咗我一聲『張慧儀』，我好唔耐煩咁話咩事呀，點知你哋話『你好靚呀』，搞到我有啲唔好意思！」蘇永康聞言即哈哈大笑謂：「其實當時只不過幾個人坐喺度，拍嗰套法庭戲又冇劇本，冇嘢做；唔好意思，嗰日行過嘅係方逸華女士，我哋都會係咁講，當然你真係好靚。」

二人談當年認識經過。

蘇永康直言跟張慧儀雖不是最熟稔的朋友，但對於對方無私地照顧養子，這份偉大的愛作出崇高致意。他說：「十幾年前，喺北京碰面，知道你將會帶一個小朋友一齊生活，嗰刻我覺得有啲突然，當時我哋30歲出頭，帶一個小朋友，對我哋嚟講係一個唔能夠想像嘅大責任，聽到你點解要收養佢，知道佢身體唔健康，要用好多時間去照顧佢，當時我心底係祝福你，知道呢條路唔易行，直至我做咗爸爸，回望番你條道路，就更加尊敬你，當我小朋友發燒、頭暈身㷫，我會緊張到喺台上跌咪，所以好理解你嘅感受，好多朋友對你感覺係『張慧儀係好靚嘅女仔、好性感嘅女人』，但你內心嘅愛大到我自己都肅然起敬。」

張慧儀對養子是無私大愛。

更多新冠疫情資訊請到以下專頁瀏覽：（按此）

立即下載｜全新《星島頭條》APP：https://bit.ly/3yLrgYZ