940920丨張敬軒客串為劉俊謙小說審稿 打破第四面牆與觀眾對話
2022-03-08 22:45 
ViuTV原創劇《940920》現正熱播中，首集就有闊別幕前20年的蘭茜客串演出，扮演劉俊謙飾的「家聰」的姨媽，她與飾演自己妹妹的簡慕華演對手戲，令觀眾感到既驚喜又親切。今晚就有另一個熟悉的面孔，正是早前盛傳會客串的張敬軒（軒仔）！
軒仔今晚一共客串了兩幕，飾演一名出版社編輯，為男主角劉俊謙的作品審稿。軒仔仲要求劉俊謙幫一位將出書的模特兒代筆寫幾句，而劉俊謙又向軒仔分享最近頻頻夢見一位舊友，令他有不少靈感創作故事。後來更將故事寫成書，做出版社的軒仔就代為審稿，但就表示睇唔明個故事，怕幾個年份跳嚟跳去，讀者會睇唔明呀！而劉俊謙就強調呢啲叫鋪排，軒仔這時就代觀眾講出心聲：「咁多伏筆，你全部解到畫？網上連載最憎就係呢啲爛尾故。」但劉俊謙就覺得：「爛唔爛尾，好主觀㗎啫……」這時軒仔就打破第四面牆與觀眾對話，「唔係，啲觀眾會鬧㗎……」
軒仔現身《940920》令觀眾非常驚喜，仲大讚他雖然好少拍戲，但就演得好自然又有喜感，更有網民表示為了軒仔，決定追看落去，希望後面劇情仲會見到軒仔啦！
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
最新回應