區子琳推新歌《瘟疫在愛蔓延時》 鼓勵尋找一生最愛

林奕匡師妹區子琳(Paula)最近推出新歌《瘟疫在愛蔓延時》，唱出了自己對愛情的態度，同時鼓勵大眾要勇敢去尋找一生最愛。

Paula跟填詞人王樂儀分享了自己的傷心情史，對方便寫出了《瘟疫在愛蔓延時》。Paula說：「我喺嗰次戀愛面，以為自己搵到想要嘅愛情，但原來唔適合，跟住當然冇好嘅結局。王樂儀將我個故仔，加埋佢嘅想像，就變咗歌名《瘟疫在愛蔓延時》。」歌詞反映了Paula對愛情的睇法，同時亦鼓勵樂迷，不論經歷了傷痛的結局，都要再次企起身，重新振作。

區子琳曾以為自己搵到想要嘅愛情，但原來唔適合。

區子琳係林奕匡師妹。

 

因應歌曲嘅內容，今次MV找來曾執導Yellow!〈相聚一刻〉、JW〈逃生門〉及洪嘉豪〈自問自答〉MV的Deon Wong操刀，Paula知道後十分興奮，因為這是她夢寐以求的導演，十分喜歡對方曾執導的作品。今次〈瘟疫在愛蔓延時〉MV構思講述Paula喜歡上一隻兔仔，但兔仔卻是瘟疫源頭，Paula明知未必有好結果，但她依舊很溫柔、悉心地照顧這隻兔仔。Paula指製作團隊構思了這個故事，畫面中亦有一些很溫馨的場面，讓她不禁回想起之前傷心情史裏的自己。對於作為新人的Paula來說，這都有助她入戲，演起上來也較得心應手，不過Paula亦感謝團隊的協助，讓她演出水準，她說：「我本身擺甫士比較弱，但導演佢哋都有畀意見我，仲有扮演兔仔嘅演員，我哋喺山頭拍攝期間都好熱，但佢毫無怨言，真係好感激佢哋，令到拍攝可以咁順利。」
 

MV構思講述Paula喜歡上一隻兔仔，但兔仔卻是瘟疫源頭。

Paula感激扮演兔仔嘅演員，喺山頭拍攝仍毫無怨言。

 

 

 

 

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ