郭思琳陀B三個月騷胸曬太陽吳浩康天台露營下廚為樂

2022-03-13 07:00

現年35歲的「格鬥女神」郭思琳，與38歲的歌手吳浩康（Deep）日前被爆已在上月入紙申請註冊結婚，原來郭思琳已陀B三個月，雙喜臨門！模特兒出身的郭思琳向來都唔吝嗇美好身材，在公佈閃婚消息前，她就在IG限時動態上載穿上Bra top上天台曬太陽，未有影落個肚，只影上半身騷豐滿上圍，另還大晒一雙美腿。她留言：「唔知係咪曬太陽有啲風，搞到冷親...喉嚨有啲唔舒服，又有啲鼻水同發冷，我長期匿喺屋企，應該唔會咁都中招呱。」

疫情嚴峻，懷有身孕的郭思琳都乖乖留在家中，與未婚夫Deep都是深居簡出。除上天台曬太陽，燒烤亦是不錯的選擇，思琳亦有上載在天台露營的短片，搭了一個小帳篷，Deep就在裏面下廚炸薯條；但為了肚裏BB健康著想，思琳還是忍口不吃煎炸食物，留言：「有得睇，無得食。」