古天后日誌｜港股繼續探底 只宜忍手觀察

3月15日，天晴，早上潮濕及部份地區有霧，下午大部份時間有陽光。俄烏局勢未見有任何進展，但雙方戰事持續，令通脹有機會發展至滯脹，本周聯儲局議息，市場幾乎已肯定加息0.25厘成定局。三大指數未能反彈，道指盤中最多升451點，但收市蒸發所有升幅，僅升1點，標指跟納指則分別跌31點及262點，中概股繼續被洗倉。美上市中概股除牌憂慮未消，中國則因疫情反彈而落實封鎖措施，經濟前景惹憂慮。

雖然有大好友表示俗稱「恐慌指數」的芝加哥期權波動率指數(VIX)或暗示股市將反彈。自VIX喺1990年出現至今，僅發生過10次VIX下跌約5%，標指同日下跌約1%，呢O的情況出現後，未來6個月及12個月標指平均回報為16.8%及35.2%。呢10次當中，其中8次股市都接近低位，意味即使目前股市仍存在下行風險，不過現時投資者入市並不會承受太大傷害，因股市下跌空間有限。不過以估值而言，美股相對其他市場唔算平。

噚日港股急跌1022點，成交額急增至2230億元，大成交下跌，暫時港股似未有反彈條件。尤其當恒指上周跌穿21000點後，港股跌勢轉急轉快。睇返港匯指數，噚日再跌至7.8299，係帀年以嚟低位。根據最新大行資金流數據可見，截至上周三止一星期，全球股市及債券市場均錄得資金外流。最明顯係歐洲走資幅度驚人，不單抵銷去年流入嘅總資金規模，而且以最新一星期資金外流計，仲係有紀錄以來最大。

另一方面，以一直跑贏環球市場嘅美股嚟計，統計過去13年每逢連續兩星期跌市的話，之後股市例必反彈，平均幅度介乎3至15%。然而，近期美股嘅表現已經動搖呢13年牢不可破嘅信仰。美股無得彈，其他市場亦無運行，包括港股。而喺俄烏爆發戰爭後，商品價格急升，再加上俄羅斯資產被凍結，當地市場變相停頓，以至商品價格急劇波動，唔少大戶損手嚴重，貝萊德喺俄羅斯損手170億美元，恐怕只係冰山一角。為O左填氹，大戶亦逼於無奈，只能狠沽其他市場套現。

暫時未見有任何利好消息可以推動股市反彈，雖然港股累積跌幅驚人，唔少股份估值已相當便宜，但喺目前氛圍下，實在難以估底，沒有最低只有更低，暫時只能繼續忍耐，窂窂守住本金，寧買貴莫買錯嘅大原則下，一動不如一靜，先可以保平安，捱得過呢個跌浪，先有子彈可以再出擊。

古天后

(徐狄怡，證監會持牌人)