陳明憙寫詩致敬嫲嫲 投稿《紐約時報》喜獲刊登

陳明憙（Jocelyn）早前返加拿大探親，但因疫情急速變化，令她一度滯留當地。期間Jocelyn都冇Hea住過，反而投身寫作行列，更向《紐約時報》投稿而被選中刊登，成為第一個華人歌手的文字作品出現在該專欄。Jocelyn對於文章被選中感驚喜，揚言向「文壇」進軍跨了一大步：「上次又係探親因滯留，而考咗個音頻治療師牌照，今次都諗住要向寫文章呢個方向出發，文章都加插咗音頻治療嘅『吸引力法則』喺入面，所以就寫咗篇關於我同嫲嫲食榴槤嘅詩向她致敬，第一次投稿就被選中刊登，證明音頻治療啲理論真係有用。」因為疫情影響航班班次，Jocelyn不得不「另覓出路」返港：「因為我要返香港錄歌，返唔到嚟真係好大件事，所以呢一刻我已經喺新加坡轉機返到嚟香港，仲要隔離先可以開工。」

 

陳明憙早前考獲音頻治療師牌照。

 

陳明憙寫詩向嫲嫲致敬，獲《紐約時報》刊登。（《紐約時報》網頁截圖）

 

陳明憙就話以前冇諗過出書，今次文章被選中刊登實在難得，或考慮向公司提出將音樂、文字結合：「橫掂嚟緊都要隔離，不如寫個Proposal畀公司睇吓，因為文字、音樂都可以紓緩情緒，將音頻治療結合文字，可能更有功效。有啲Fans都話畀我知佢哋確診咗，我會Send啲音頻治療嘅音樂畀佢哋，希望佢哋平靜咁度過難關。」

 

拍片分享喜悅，仲話考慮出書！

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ