李璨琛搵個女練戲 Lucy唔要當人質嚇到速逃

本港第五波疫情持續，娛樂圈不少藝人的工作皆被延期或取消。李璨琛近日亦留家抗疫，不用開工的他未知是否戲癮上身，昨日便捉住囡囡Lucy練戲，他在社交網上載短片，並寫道：「抗疫日常之搵個女練下戲先 #其實屋企都幾好玩」。

片中，李璨琛戴上Lucy的玩具長假髮，手持一把按摩肌肉槍扮手槍，並將身穿醫生袍的Lucy當成人質，向著鏡頭謂：「挾持住呢個醫生Dr. Lu，唔好埋嚟呀！」雖然Lucy仍然笑笑口，但亦嚇到立即速逃離開，相當搞笑。

囡囡好有危機意識。

蔣家旻即留言謂：「戲癮爆到個人痴（黐）咗線」；不少網民亦紛紛留言笑指「李老竇癲咗」、「做咩帶咗LuLu個Elsa假髮」、「呢個人質肥到冇頸好難箍」；因為日前有條片是Lucy在房走出廳大嗌「好臭呀，爸爸啲屎好臭呀」，所以網民都笑指李璨琛「報臭屎之仇」。

李璨琛呢個樣係嚇人。

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ