飛虎3｜羅樂林黑化獲讚老戲骨演乜似乜傅嘉莉血性大發好嚇人

2022-03-17 17:00

TVB熱播的《飛虎3壯志英雄》昨晚（16日）播出的第18集，講到董啟超（羅樂林飾）的公司遭揭發秘密生產違法藥物，原來是許森（梁競徽飾）暗中利用宋潔怡（蔡潔飾）曝光消息；事緣啟超是許森生父，但卻從來未有盡父親責任，以致許森童年過得相當悲慘，更目擊母親許若紅（蔣家旻飾）因無力償還債務跳樓身亡；對生父恨之入骨的許森，隨後因相依為命的外婆生病，最終硬着頭皮向啟超要錢，但由於許森全程表現倔強兼不肯叫爸爸，結果遭受啟超奚落及羞辱。

蔣家旻飾演童年許森的媽媽。

許森童年時目擊母親跳樓自殺，對生父恨之入骨。

如今董啟超因許森布局以致陷入危機，許森理應落井下石，不過在之前集數一直看似人畜無害的許森，竟反高潮以金錢利誘啟超並主動提出合作，兼順勢攤牌自爆是其私生子；不過許森向啟超拋出橄欖枝期間，全程不忘不停句句窒住啟超，且態度不慍不火，看上去讓人相當心寒。尤其向啟超承認是其私生子一幕，梁競徽略帶笑意、但卻絲毫不帶半點感情地冷靜說出：「唔好意思董生，由你拋妻棄子嗰日開始，董志健已經唔存在喺呢個世上，我叫做許森。」甚少演奸角的競徽，今次成功將陣陣寒意透過角色散發出來，效果甚佳；原來梁競徽為了演好許森這個角色，曾在眼神上下了不少苦功，他早前接受TVB娛樂新聞台《Star Talk》訪問時表示：「呢個角色唔會喺表情同行為表達太多，我選擇用眼神去表達內心，連着衫都有刻意設計，成套戲係着過一次黑色衫，就係同羅樂林最後嗰場。」

梁競徽向羅樂林攤牌。

這笑容令人心寒。

至於羅樂林雖然同樣飾演奸角，但其飾演角色明顯比許森單一及外露得多，其中一幕講述因其公司被揭發做違法藥物，怒不可遏的啟超竟拿下屬做出氣袋，並捉着其中一人狂質對方食藥，躁狂得來相當病態。由於羅樂林演乜似乜，令網友即使同一晚才看完《愛．回家之開心速遞》，並未有因「大龍生」影響看《飛虎3》的心情，紛紛留言指黑化了的羅樂林相當讓人討厭：「真係衰到冇人有」、「佢返到愛回家會唔會咁對啲下屬？」，並力讚羅樂林「果然係老戲骨」。