林溥來囝囝下巴縫針後傷口冇乜痛同平時一樣無時停

2022-03-18 22:30

林溥來（Patrick Sir）和關宛珊的11個月大兒子Preemo，日前在家中爬行時，不慎跣手仆親下巴落地，最後要人院縫6針，父母當然極之心痛。

好彩小朋友復原能力強，Patrick今日在社交平台講述囝囝的康復情況理想，還上載Preemo扶住BB圍欄行來行去，又玩圖書，笑得好開心。Patrick Sir寫著：「好感恩大家咁錫洋蔥頭，紛紛留言鼓勵佢同安撫我哋，令我哋呢對新手父母感受到好多愛❤️！洋蔥頭聯完針已經好好多，傻更更應該都唔知自己受咗傷，因為冇乜痛，唔需要食止痛藥，已經充滿活力同平時一樣無時停。我哋每日都幫佢洗傷口，期望佢下星期五拆線一切順利！再次多謝大家嘅關愛！Preemo同我講話佢會繼續(小心)玩，繼續探索，繼續學習，繼續發放笑彈喎😆！」身為媽媽的陳敏之亦有留言安慰：「好快冇事」，蔣家旻則說：「Sexy bb😆睇到佢精神又精靈」。